ფრანგულ რივიერაზე მდებარე მდიდრული ვილა, რომელიც ლეგენდარულ კოკო შანელს ეკუთვნოდა, იყიდება. მისი ფასი 50 მილიონი დოლარია. სახელგანთქმულმა არქიტექტორმა ვილა შანელისა და მისი საყვარელი მამაკაცის, ვესტმინსტერის ჰერცოგისთვის საგანგებოდ დააპროექტა. 1929-1953 წლებში სახლი წყვილის საზაფხულო რეზიდენცია გახლდათ. ოთხსართულიანი შენობა, რომელიც ლა ტორაკას ულამაზეს ბორცვებზე დგას, მონაკოდან 10 წუთის სავალზეა. სახლს აქვს 7 საძინებელი, ხოლო მამულის საერთო ფართი 4 ჰექტარს შეადგენს. რეზიდენციაში შანელს უამრავი ცნობილი ადამიანი სტუმრობდა, რომელთა შორის იყვნენ პაბლო პიკასო, სომერსეტ მოემი, გრეტა გარბო, არისტოტელე ონასისი და უინსტონ ჩერჩილი.