asdas
ცნობილი ადამიანები
მადონა დავითაძის ძმა - ჩემი და ფსიქოლოგიური ძალადობით მიიყვანეს თვითმკვლელობამდე
კომენტარი
მადონა დავითაძის ძმა - ჩემი და ფსიქოლოგიური ძალადობით მიიყვანეს თვითმკვლელობამდე

2014-10-31 17:32:00



ხელვაჩაურში, სოფელ ქვედა სალიბაურში გარდაცვლილი 22 წლის მადონა დავითაძის ძმა აცხადებს, რომ მისი და ხშირად იყო ფსიქოლოგიური ძალადობის ქვეშ.
როგორც მამუკა დავითაძე აცხადებს, რამდენიმე წლის წინ პოლიციის თანხლებით მივიდნენ მისი დის წამოსაყვანად, თუმცა როგორც გარდაცვლილის ძმა განმარტავს, "თვითონ მადონა დააშინეს და წამოსვლაზე უარი ათქმევინეს". მისივე თქმით, მადონას გარდაცვალების ამბავი ოჯახს გვიან გააგებინეს.
"შემთხვევიდან სამი საათი იყო გასული, ჩვენ რომ გაგვაგებინეს. პოლიციაც გვიან მიიყვანეს. ჩვენ რომ მივედით, მეზობელიც არ იყო მისული. ფსიქოლოგიურად დააავადეს ჩემი და და მიიყვანეს თვითმკვლელობამდე. მამამთილი ჰყავს ისეთი, არ ვიცი, რა სიტყვები ვთქვა - არაკაცი, თავიდანვე აითვალწუნა ჩემი და. მის შვილს უთხრა, ეს არ გამოგადგება ცოლადო და მას შემდეგ ყოველდღე იყო ზეწოლა. ხეს რომ უთხრა გახმიო, გახმება. წამოყვანის მცდელობა გვქონდა. არ გვიშვებდნენ სახლში, პოლიციის თანხლებით ავედით. ჩემი და არ გამოგვყვა, ისეთ მდგომარეობაში ჩააყენეს, დააშინეს, რომ წამოსვლაზე უარი თქვა", - აღნიშნა მამუკა დავითაძემ.
გარდაცვლილის მამა ვახტანგ დავითაძე კი აცხადებს, რომ ოჯახებს შორის უთანხმოება გასულ წლებში იყო, რის გამოც მადონა ოჯახში იშვიათად მიდიოდა.
"კონფლიქტი იყო ადრეც, ოჯახებს შორის უთანხმოება. შვილთან მისვლას მიკრძალავდნენ. თვითონ არ მოდიოდნენ, მადონასაც არ უშვებდნენ. ამდენი წელია გასული და ორ-სამჯერ არის მოსული, ისიც მაშინ, თუ ახლობლის გასვენება იქნებოდა, შევუთვლიდით და გამოვიდოდა. ნახევარ საათში უკან მიდიოდა. არაფერს აკეთებსო, სახლის საქმეებზე ჰქონდათ პრეტენზია", - აღნიშნა ვახტანგ დავითაძემ.
22 წლის მადონა დავითაძე გუშინ საღამოს გარდაცვლილი იპოვეს. მომხდართან დაკაშვირებით გამოძიება მიმდინარეობს.


Content on this page requires a newer version of Adobe Flash Player.

Get Adobe Flash player

დღის სიახლეები
რა მოსწონთ თქვენ მეგობრებს

Alternative content

1521368
1521568 online