asdas
ცნობილი ადამიანები
ზვიად კვაჭანტირაძე: ”ჟურნალისტებს ყოველთვის დავიცავ!”
პოზიცია
ზვიად კვაჭანტირაძე: ”ჟურნალისტებს ყოველთვის დავიცავ!”

2014-10-25 18:43:48



უმრავლესობის დეპუტატი ზვიად კვაჭანტირაძე მედიის შესახებ ატეხილ კამათს ფეისბუქზე ასეთი პოსტით გამოეხმაურა:

”რა თქმა უნდა, ჩვენ გვყავს ჟურნალისტებიც და ე.წ. "ურნალისტებიც". ზოგი ზედმიწევნით პატიოსანია, ზოგი ნაკლებად, ზოგი კარგი პროფესიონალია ამასთან ერთადაც და ზოგისთვის იქ ადგილი არცერთი კრიტერიუმით არც უნდა იყოს, მაგრამ რას იზამ? ვე-რა-ფერს !

ინგას და ხუთეულის ახალ "იმედის კვირას" რაც შეეხება, მე ძალიან მიხარია და მივესალმები თუ ჟურნალისტები თავიანთ მოქალაქეობრივ პოზიციებსაც დააფიქსირებენ და არა მხოლოდ ზოგჯერ მაინც ვერ ნეიტრალურ თოქ-შოუებს წაიყვანენ. ვიცი, არა მხოლოდ საინტერესო იქნება ასეთი გადაცემები, არამედ სასარგებლოც, ყველასათვის. ხშირად დაუმსახურებლადაც გვტკენენ გულს, მაგრამ მე მაინც ბოლომდე დავიცავ ჟურნალისტებს, ასეთებსაც, ისეთებსაც და ვფიქრობ, რომ რა მოტივაციაც არ უნდა ჰქონდეთ მათ, როცა წერენ ან სიუჟეტს თუ გადაცემას აკეთებენ, ისინი მაინც რაღაც პოზიციას აფიქსირებენ.

ნებისმიერი პოზიცია, ნებისმიერი აზრი საყურადღებო უნდა იყოს და საჭიროა გასაჯაროვდეს. ასე რომ, მივესალმები მეტ პროფესიონალიზმს, მეტ საჯაროობას, მეტ გახსნილობას და მეტ პატიოსნებას ჟურნალისტიკაში. ვნახოთ, რა გამოვა. წარმატებები!!! (ერთმა კი აღმაფრთოვანა ამ ახალ ამბავში- ცნობილი გამონათქვამის პერიფრაზი რომ გავაკეთოთ- "ორი რამ მაკვირვებს ამ ქვეყნად, ვარსკვლავებით მოჭედილი ცა და დუტას შესაძლებლობების უსაზღვრულობა").”

Content on this page requires a newer version of Adobe Flash Player.

Get Adobe Flash player

კავშირი ტეგთან: ზვიად კვაჭანტირაძე
დღის სიახლეები
რა მოსწონთ თქვენ მეგობრებს

Alternative content

1521640
1521840 online