asdas
ცნობილი ადამიანები
მოსკოვის აეროპორტში ფრანგული ნავთობკონცერნის პრეზიდენტი დაიღუპა
ავარია
მოსკოვის აეროპორტში ფრანგული ნავთობკონცერნის პრეზიდენტი დაიღუპა

2014-10-21 10:03:00



ოთხი ადამიანი დაიღუპა მოსკოვში, "ვნუკოვოს" აეროპორტში მომხდარი ავიაკატასტროფის შედეგად. "ბიბისის" ცნობით, ვნუკოვოს აეროპორტში ავიაკატასტროფა განიცადა ფრანგი ბიზნესმენის, კრისტოფ დე მარჟერის კერძო თვითმფრინავმა Falcon 50-მა. ბორტზე მყოფი ოთხივე ადამიანი დაიღუპა, მათ შორის ფრანგული ნავთობკონცერნ "ტოტალის" დირექტორი კრისტოფ დე მარჟერი.
როგორც აეროპორტის პრესსპიკერმა, ელენე კრულოვამ განაცხადა, თვითმფრინავი აფრენისას თოვლის საწმენდ მანქანას შეეჯახა. თოვლის გამწმენდი მანქანის მძღოლი საავამდყოფოში იმყოფება.
ბოლო ინფორმაციის მიხედვით, თოვლის გამწმენდი მანქანის მძღოლი ნასვამი იყო.

ავარია 20 ოქტომბერს, მოსკოვის დროით 23.57 საათზე მოხდა. თვითმფრინავი, რომელიც სიჩქარეს კრეფდა, ასაფრენ ზოლზე შეეჯახა თოვლის გამწმენდ მანქანას. გაჩნდა ხანძარი. ავარიის გამო ვნუკოვოს აეროპორტი დაახლოებით საათნახევრის მანძილზე დაკეტილი იყო და თვითმფრინავებს დომოდედოვოს აეროპორტში უშვებდნენ.

კრისტოფ დე მარჟერი მოსკოვიდან პარიზში მიფრინავდა. 20 ოქტომბერს ის ესწრებოდა რუსეთის პრემიერ მედვედევის მიერ გამართულ უცხოური ინვესტიციების საკონსულტაციო საბჭოს სხდომას.

კრისტოფ დე მარჟერი რუსეთის წინააღმდეგ სანქციებს მხარს არ უჭერდა.

Content on this page requires a newer version of Adobe Flash Player.

Get Adobe Flash player

სიახლეები
დღის სიახლეები
რა მოსწონთ თქვენ მეგობრებს

Alternative content

1521560
1521760 online