asdas
ცნობილი ადამიანები
ბალახეული ჩაის სიკეთე
ბალახეული ჩაის სიკეთე
ბალახეული ჩაის სიკეთე

2010-11-08 17:46:09



საუკუნეების განმავლობაში ადამიანები მოიხმარდნენ ბალახეულ ჩაის, რომელსაც ჭეშმარიტად სამკურნალო ძალა აქვთ. გაგაცნობთ რამდენიმე რეცეპტს.

დამამშვიდებელი

2 ჩაის კოვზ წვრილად დაჭრილ მელისას გამხმარ ფოთლებს 1 ჭიქა მდუღარე დაასხით. ჩაიდანს თავი დაახურეთ, რომ დამამშვიდებელი და მომადუნებელი მოქმედების ეთერზეთები არ აორთქლდნენ. ბალახის ჩაი 5 წუთი გააჩერეთ, შემდეგ შეანჯღრიეთ და პატარა ყლუპობით დალიეთ.

"კრიტიკული დღეებისთვის"

1 სუფრის კოვზი კრაზანის ბალახი, 1 სუფრი კოვზი მრავალძარღვას ფოთლები, 2 სუფრის კოვზი ორკბილას და 1 ჩაის კოვზი ვალერიანის ძირები შეურიეთ. 1 სუფრის კოვზ ნარევს 1 ჭიქა მდუღარე დაასხით, 40 წუთი თავდახურული გააჩერეთ. გაწურეთ და 2 სუფრის კოვზი დღეში 3–4–ჯერ ჭამის შემდეგ მიიღეთ. მომზადებული ჩაი მაცივარში 1 დღე ინახება.

მატონიზირებელი

ფაიფურის ჩაიდანს ადუღებული წყალი გამოავლეთ, შემდეგ 0,5 ჩაის კოვზი ფორთოხლის ცედრა, 1 ჩაის კოვზი შავი ჩაი და 3 ჩაის კოვზი მწვანე ჩაი ჩაყარეთ. ნახევრამდე ადუღებული წყალი დაასხით და 10 წუთი გააჩერეთ. შემდეგ ჩაიდანი ცხელი წყლით პირამდე აავსეთ – მატონიზირებელი ჩაი მზადაა.

გამაძლიერებელი

1 ჩაის კოვზ მუხის ქერქს 2 ჭიქა მდუღარე დაასხით. 5–6 საათი გააჩერეთ. გაწურეთ და დღის განმავლობაში რამდენიმე ჯერზე დალიეთ.

ვიტამინური

აიღეთ თანაბარი რაოდენობით ასკილის დაქუცმაცებული ნაყოფი, შავი მოცხარის გამხმარი ფოთლები, ჟოლოს გამხმარი ფოთლები. 1 სუფრის კოვზი ნარევი თერმოსში ჩაუშვით, 1 სუფრის კოვზი წითელი ცირცელის გამხმარი ნაყოფი დაუმატეთ, 200 მლ ადუღებული წყალი დაასხით, 2–3 საათი გააჩერეთ.

ლამაზი კანისთვის

აიღეთ თანაბარი რაოდენობით მწვანე ჩაი და გამხმარი ჭინჭარი. 1 სუფრის კოვზ ნარევს 2 ჭიქა მდუღარე დაასხით. გააჩერეთ. დღეში 3–ჯერ ნახევარი ჭიქა დალიეთ.

შენიშვნა: ბალახეული ჩაის სამკურნალო თვისებების შესანარჩუნებლად არ ღირს მასში შაქარი, თაფლი ან მურაბა დაუმატოთ. შეგიძლიათ ცუკატი, ჯემი, ჩირი, ხილი მიატანოთ.

Content on this page requires a newer version of Adobe Flash Player.

Get Adobe Flash player

კავშირი ტეგთან: თავი
დღის სიახლეები
რა მოსწონთ თქვენ მეგობრებს

Alternative content

1523880
1524080 online