asdas
ცნობილი ადამიანები
ბმვ ოთხკარიან კუპეს გამოუშვებს
ბმვ ოთხკარიან კუპეს გამოუშვებს
ბმვ ოთხკარიან კუპეს გამოუშვებს

2011-03-25 16:13:48



მომავალი წლისთვის კომპანია ბმვ მოდელ 6–სერიის მოდიფიკაციათა გამის გაფართოებას გეგმავს ოთხკარიანი კუპეს ხარჯზე, რომელმაც კონკურენცია აუდი ა7 სპორტბექკს და მერსედეს–ბენც ცლს–ს უნდა გაუწიოს.

ახალი ავტომობილი კონცეპტ–კარ ბმვ გრან კუპეს მოტივებზე შეიქმნება, რომელიც პირველად საზოგადოების წინაშე გასული წლის აპრილში პეკინის ავტოშოუზე წარადგინეს. პროტოტიპზე საუბრისას ბავარიულ კომპანიაში აღნიშნეს, რომ ეს ავტომობილი იმის დემონსტრირებას მოახდენს, როგორ შეიძლება გაერთიანდეს ერთ მანქანაში "გრან ტურიზმოს" და სპორტქარის მონაცემები. ბმვ გრან კუპეს სიმაღლე მხოლოდ 1,4 მეტრს შეადგენს, რაც 10 სანტიმეტრით დაბალია "შვიდიანზე" და 8 სანტიმეტრით დაბალი "ხუთიანზე". ასევე კონცეპტი აღჭურვილი იყო უჩარჩოო კარებებით და მთლიანად შუქდიოდური ფარებით, რომელიც, როგორც მოსალოდნელია, სერიულ მოდელსაც ექნება. გარდა ამისა, სერიული ავტომობილი მიიღებს ახალ საკიდარს და პროექციულ დისფლეის.

დიდ ოთხკარიან კუპეს მყიდველებს იმავე ძრავებით შესთავაზებენ, რომლებიც ჩვეულებრივ კუპესა და კაბრიოლეტზე გამოიყენება. სადღეისოდ ეს ავტომობილები ორი სახის ბენზინის ძრავით: 3,0 ლიტრი მოცულობის ტურბინირებული ექვსცლინდრიანი, 320 ცხენისძალიანი და რვაცილინდრიანი 4,4 ლიტრი მოცულობის 407 ცხენისძალიანი ძრავებითაა აღჭურვილი. 4,4 ლიტრიანი ძრავით აღჭურვილ ავტომობილს საათში ნოლიდან 100 კილომეტრამდე სიჩქარის განვითარებისთვის 4,9 წამი სჭირდება, ხოლო მისი მაქსიმალური სიჩქარე საათში 250 კილომეტრს აღწევს.

ბმვ 6 სერიის კუპეს საზოგადოებას მიმდინარე წლის აპრილში შანხაის ავტოშოუზე წარუდგენენ, ხოლო "კაბრიოლეტის" ვერსიის ძარის მქონე ავტომობილი უკვე გაყიდვაშია.

Content on this page requires a newer version of Adobe Flash Player.

Get Adobe Flash player

კავშირი ტეგთან: ავტო
დღის სიახლეები
რა მოსწონთ თქვენ მეგობრებს

Alternative content

1523016
1523216 online